IPL کی وجہ سے آئی سی سی ورلڈ ٹیسٹ چیمپئن شپ فائنل کی تاریخ تبدیل

cricit

انٹرنیشنل کرکٹ کونسل (آئی سی سی)نے انڈین پریمیئرلیگ (آئی پی ایل) 2021 کی وجہ سے ورلڈ ٹیسٹ چیمپئن شپ کےفائنل کی تاریخ تبدیل کر دی ۔ٹیسٹ چیمپئن شپ کو پہلے 10 جون سے لندن کے تاریخی لارڈز کرکٹ اسٹیڈیم پر کھیلا جانا تھا جب کہ آئی پی ایل کا فائنل بھی اسی تاریخ کے آس پاس ہونے کا امکان ہے۔لیکن ورلڈ ٹیسٹ چمپئن شپ فائنل اب 18 جون سے کھیلا جائے گا۔
بھارتی کرکٹ بورڈ (بی سی سی آئی) کے مطابق ٹیسٹ چیمپئن شپ فائنل اب 18 سے 22 جون تک کھیلا جائے گا اور 23 جون کا دن ریزرو رہے گا۔بھارتی میڈیا کے مطابق بی سی سی آئی کا کہنا ہے کہ فائنل کی تاریخوں کو تھوڑا آگے بڑھایا گیا ہے، جس سے آئی پی ایل ختم ہونے کے بعد ٹورنامنٹ کے لئے ضروری علیحدگی کو مکمل کرنے میں کوئی پریشانی نہیں آئے۔یاد رہے کہ آئی پی ایل کا پروگرام ابھی طے نہیں ہوا ہے، لیکن اس ٹورنامنٹ کے مئی کے آخر میں ختم ہونے کا امکان ہے۔دوسری جانب ٹیسٹ چیمپئن شپ کے فائنل میں جگہ یقینی بنانے کے لئے بھارت (430 پوائنٹس)، نیوزی لینڈ (420 پوائنٹس) اور آسٹریلیا (332 پوائنٹس) کے ساتھ پہلی تین پوزیشنز پر براجمان ہیں جب کہ انگلینڈ نے بھی سری لنکا کو 0-2 سے شکست دے کر اس دوڑ کو مزید دلچسپ بنا دیا ہے۔سری لنکا کے خلاف فتح کے بعد انگلینڈ اب آسٹریلیا سے محض کچھ پوائنٹس پیچھے ہے۔

Leave a Comment